বিশ্বকাপৰ ছেমি ফাইনেলত প্রবেশ কৰিবলৈ হ’লে ভাৰত আৰু কেইখন খেলত জয়ী হ’ব লাগিব
২০২৩ৰ বিশ্বকাপত প্রথম খন মেচৰ পৰাই ভাৰতে সুন্দৰ প্রদৰ্শনৰ লগতে দৰ্শনীয় জয় লাভ কৰিবলৈ সক্ষম হৈছে । ভাৰতে এই ধাৰাবাহিকতা অব্যাহত ৰাখিলে ভাৰত সহজেই ছেমি ফাইনেলত প্রবেশ কৰিব পাৰিব বুলি উল্লেখ কৰিছে কেইবাগৰাকীও প্রাক্তন ক্রিকেটাৰে ।
চলিত বিশ্বকাপত এতিয়ালৈকে অনুষ্ঠিত হৈছে ১৪ খন খেল । আজি দক্ষিণ আফ্ৰিকা আৰু নেদাৰলেণ্ডৰ মাজত অনুষ্ঠিত হ’ব ১৫ সংখ্যক খেলখন।
বিশ্বকাপৰ তিনিখন মেছ খেলি আটাইকেইখনত জয়লাভ কৰি শেহতীয়া পইণ্টৰ তালিকাৰ শীৰ্ষত আছে ভাৰত । প্রথমখন খেলত ভাৰতে অষ্ট্ৰেলিয়াক ৬ উইকেটত পৰাস্ত কৰে । দ্বিতীয়খন খেলত আফগানিস্তানক ৮ উইকেটত আৰু তৃতীয়খন খেলত ভাৰতে পাকিস্তানক ৭ উইকেটত পৰাস্ত কৰি ছেমি ফাইনেলত প্রবেশৰ সম্ভাৱনা উজ্বল কৰি তুলিছে ।ইফালে নিউজিলেণ্ড আৰু দক্ষিণ আফ্ৰিকাও ছেমি ফাইনেলত প্রবেশ কৰাৰ সম্ভাৱনা আছে ।
ছেমিফাইনেলত প্রবেশৰ বাবে ভাৰতৰ সন্মুখত আছে তিনিখনকৈ গুৰুত্বপূৰণ মেছ । অহা ২২ অক্টোবৰত ভাৰত মুখামুখি হ’ব নিউজিলণ্ডৰ । ভাৰতে ২৯ অক্টোবৰত ইংলেণ্ডৰ বিৰুদ্ধে খেলিব আৰু ৫ নবেম্বৰত দক্ষিণ আফ্ৰিকাৰ বিৰুদ্ধে খেলিব । এই তিনিওখন খেলেই গুৰুত্বপূৰ্ণ হ’ব ভাৰতৰ বাবে । উল্লেখ্য যে পইণ্টৰ তালিকাৰ দ্বিতীয় স্থানত আছে নিউজিলেণ্ড আৰু তৃতীয় স্থানত আছে দক্ষিণ আফ্ৰিকা ।