কণী ধুই খাই যদি এই কথাখিনি মন দি পঢ়ক👇
আমি সকলোৱে স্বাস্থ্যৰ প্ৰতি যতন লোৱাটো উচিত । কিন্তু এই যতন কি কি ক্ষেত্ৰত আৰু কেনেকৈ লওঁ সেই কথাও ভাবিবলগীয়া । কীট-পতংগ অথবা বীজাণুৰ পৰা যাতে আমাৰ খাদ্যত কোনো ধৰণৰ সমস্যাৰ সৃষ্টি নহয় তাৰ বাবে আমি সকলোবোৰ খাদ্যই ভালদৰে ধুই পৰিষ্কাৰ কৰি খাওঁ । কিন্তু এই অভ্যাস সকলো ক্ষেত্ৰতে সমানে ফলদায়ক নহয় । বিশেষজ্ঞসকলে জনোৱা অনুসৰি ইয়াৰ এটা বেয়া দিশো আছে। এটা উল্লেখযোগ্য উদাহৰণ হ'ল কণী।
কণী বজাৰৰ পৰা অনাৰ পিছত বা ফ্ৰিজত ৰখাৰ আগতে কণী ধুই লোৱা হয় । বিশেষকৈ কৰ'ণা কালত এই অভ্যাস যথেষ্ট বৃদ্ধি পাইছে। পাছে বিশেষজ্ঞসকলে ইয়াক ভাল কথা নহয় বুলি কিয় কৈছে জানেনে? শেহতীয়াকৈ আমেৰিকা যুক্তৰাষ্ট্ৰৰ কৃষি বিভাগে (ইউএছডি) এক প্ৰতিবেদন প্ৰকাশ কৰিছিল। তেওঁলোকে কৈছিল যে ৰন্ধাৰ আগতে বজাৰৰ পৰা অনা কণী ধোৱাটো সঠিক অভ্যাস নহয়।
স্বাস্থ্য বিশেষজ্ঞসকলৰ মতে কুকুৰাৰ কণীৰ ওপৰত এটা খোৱা তেলৰ স্তৰ ৰখা হয়। কণীটো সংগ্ৰহ কৰাৰ পিছত, ইয়াক কুকুৰা পালনত ধোৱা হয়। তাৰ পিছত এই তেল আৱৰি থাকে। ইয়াৰ ফলস্বৰূপে কণীটোৰ খোলাটো বীজাণুৰ আক্ৰমণৰ পৰা সুৰক্ষিত। যাৰ ফলত দীৰ্ঘদিন ধৰি বীজাণুয়ে কণীৰ কোনো ক্ষতি কৰিব নোৱাৰে। কিন্তু যেতিয়া কণীবোৰ ধোৱা হয়, এই স্তৰটো নাইকিয়া হৈ যায় বুলি তেওঁলোকে জানিবলৈ দিয়ে ।ফলস্বৰূপে, কণী ফ্ৰিজত বা মুকলিকৈ ৰাখিলেও বীজাণুৱে ধৰিব পাৰে । তেনে কণী আহাৰ হিচাপে গ্ৰহণ কৰিলে পেটৰ সমস্যা হ'ব পাৰে। তদুপৰি দীঘলীয়া সময়ৰ বাবে কণীৰ খেলাটোও এক বিপদ হ'ব পাৰে। আনহাতে যদি কোনোবাই চাবোনেৰে কণী ধুবলৈ যায় তেন্তে ই বিপদ মাতি আনিব পাৰে বুলি বিশেষজ্ঞসকলে কৈছে । যদিহে কণীটোত ধুলি থাকে তেন্তে ইয়াক ডাঙৰ তিতা কাপোৰেৰে মচি আঁতৰাব পাৰে বুলি পৰামৰ্শ আগবঢ়ায় । এনেদৰে কণী ধুই খোৱাৰ ক্ষেত্ৰত এই স্বাস্থ্য বিশেষজ্ঞসকলে পৰামৰ্শ আগবঢ়ায় ।
